ពិតទេ? បុរសដែលសុភាព មិនសូវចេះនិយាយស្តី ជាបុរសដែលមានមន្តស្នេហ៍ និងគួអោយចាប់អារម្មណ៍

បុរសជាមនុស្សភេទ មួយដែលមានភាព រឹងមាំ ស្វាហាប់ មានកម្លាំងខ្លាំងខ្លា និងមានភាពក្លាហាន។ បុរសមានច្រើនប្រភេទ បុរសខ្លះ ចូលចិត្តលែងសើច និយាយច្រើន ប៉ប៉ាច់ប៉ប៉ោច ខិលខូច ប៉ិនខាងបេះបោចស្រីៗ បុរសខ្លះស្រគត់ស្រគំ មិនសូវចេះនិយាយស្តី និយាយរួមបុរស មានអត្តចរិក និងបុគ្គលិកលក្ខណៈផ្សេងៗពីគ្នា មានច្រើនប្រភេទ ក្នុងនោះមានបុរសមួយប្រភេទ ដែលមានបុរសមួយប្រភេទ ដែលមានបុគ្គលិលក្ខណៈ គួអោយចាប់អារម្មណ៍ និងកត់សម្គាល់ គឺបុរសដែលមិនសូវចេះនិយាយស្តីច្រើន ញញឹមតិច និងមិនសូវចេះលែងសើចច្រើន តែម៉ុឹងម៉ាត់នឹងការងារ។

បើតាមលក្ខណៈសម្បត្តិនេះដែរ គេតែងតែសង្កេតឃើញថាគេជាប្រភេទមនុស្សដែលចូលចិត្តគិត​ច្រើន និងមានមនោសច្ចេតនាខ្ពស់ មិនចូលចិត្តនិយាយឡេះឡោះឡើយ ប៉ុន្តែចូលចិត្តធ្វើសកម្មភាព ច្រើនជាងការនិយាយ។ គេជាប្រភេទបុរសដែលមានចិត្តស្មោះត្រង់ មិនថាចំពោះគ្រួសារ មិត្តភក្រ័ គូរសង្សា ឬចៅវាយនាយនោះទេ គេតែងតែគិតពីប្រយោជន៍រួមជាធំ សុខចិត្តលំបាកខ្លួនឯង តែមិនបញ្ចេញអោយគេឃើញពីទុក្ខលំបាករបស់ខ្លួន គេជាមនុស្សតស៊ូ ព្យាយាម និង​ប្តូរ​ប្តាច់​ចំពោះការងារ។ បុរសបែបនេះ ភាគច្រើនគឺមានការចាប់អារម្មណ៍ពីនារីៗច្រើនណាស់ ព្រោះគេមើលទៅអាចនិយាយបានថា ជាសុភាពបុរស មិនសាំញាំ ដែលបង្ករអោយមានការធុញ​ទ្រាន់។ 

ហេតុដូចនេះហើយទើបបានជាសុភាពនារីប្រាថ្នានូវលក្ខណៈពិសេសរបស់បុរសប្រភេទនេះ គឺ​ដោយ​សារតែអត្តចរិកនឹងនរ ម៉ត់ចត់ ក្លាហាន  មិនសូវចេះផ្អែមល្ហែម តែស្មោះត្រង់ យកចិត្តទុកដាក់ ពីក្រោយខ្នងមិនអោយនារីដឹងខ្លួន និងជាមនុស្សមិនសូវចេះយកមុខយកមាត់។ ហើយ​អ្វី​ដែល​មនុស្ស ស្រីចូលចិត្តបំផុតនោះគឺគេមិននិយាយសុាំច្រើន តែជាបុរសដែលតែងតែជួយយកអាសារ​នាង មិនត្រឹមតែការនិយាយទេ តែបញ្ចេញសកម្មភាពច្រើនជាង។